თემთან ჩართულობაზე დაფუძნებული სწავლების ინიციატივა სკოლის მოსწავლეებისა და უნივერსიტეტის სტუდენტებისთვის
სამეწარმეო იდეების კონკურსი
სულხან-საბა ორბელიანის უნივერსიტეტი სკოლის მოსწავლეებს, უნივერსიტეტის სტუდენტებს, მასწავლებლებსა და თემის სხვა დაინტერესებულ წარმომადგენლებს იწვევს სამეწარმეო იდეების კონკურსზე, რომელიც მეწარმეობის, შემოქმედებითი აზროვნებისა და საზოგადოებასთან თანამშრომლობის ხელშეწყობის ინიციატივის ფარგლებში იმართება.
კონკურსი აერთიანებს საქართველოს სხვადასხვა რეგიონის სკოლების მოსწავლეებსა და უნივერსიტეტის სტუდენტებს, რათა მათ წარმოადგინონ ინოვაციური სამეწარმეო იდეები და თავიანთ თემებში არსებული გამოწვევების გადაჭრის პრაქტიკული გზები შემოგვთავაზონ.
ტრენინგებისა და მენტორობის აქტივობების შემდეგ, შერჩეული გუნდები ჟიურის წინაშე საკუთარ იდეებს წარადგენენ და წარმოაჩენენ შემოქმედებითობას, პრობლემების გადაჭრის უნარებსა და სამეწარმეო პოტენციალს.
ღონისძიება შესაძლებლობას იძლევა, გავეცნოთ ახალგაზრდა ინოვატორების იდეებს, ხელი შევუწყოთ ახალგაზრდებში მეწარმეობის განვითარებას და გავაძლიეროთ თანამშრომლობა სკოლებს, უნივერსიტეტებსა და ადგილობრივ თემებს შორის.
ინიციატივას სულხან-საბა ორბელიანის უნივერსიტეტის ბიზნესისა და ტექნოლოგიების ფაკულტეტი ახორციელებს.
თარიღი: 1 მაისი, 14:00
ადგილი: სულხან-საბა ორბელიანის უნივერსიტეტი, ოთახი 406, კალისტრატე ქუთათელაძის ქუჩა 3, თბილისი, საქართველო