სამუშაო პაკეტების მოკლე აღწერა:
WP1 „მომზადება“ – უზრუნველყოფს პროექტის წარმატების საფუძველს. მოიცავს დავალებებს, როგორიცაა პარტნიორობის შეთანხმების გაფორმება, სასწავლო ვიზიტი, სახელმძღვანელოს თემატიკის შერჩევა, პროექტის ვებგვერდის შექმნა და პროექტის მართვისა და განხორციელების სახელმძღვანელოს შემუშავება.
WP2 „უნივერსიტეტისა და თემის ჩართულობის სახელმძღვანელო“ – ფოკუსირებულია სახელმძღვანელოს შექმნაზე, რომელიც სპეციალურად მორგებული იქნება უნივერსიტეტებზე, პროექტის შემუშავების პროცესის ადრეულ ეტაპებზე გამოვლენილ საჭიროებებზე დაყრდნობით. სახელმძღვანელო ხელმისაწვდომი იქნება ინგლისურ და ქართულ ენებზე, რაც უზრუნველყოფს ხელმისაწვდომობას და შესაბამისობას ადგილობრივი საზოგადოების საჭიროებებთან.
WP3 „შესაძლებლობების განვითარება“ – მოიცავს ისეთ აქტივობებს, როგორიცაა სპეციალური ერთეულის ჩამოყალიბება, საჭირო ტექნიკის შეძენა, აკადემიური და ადმინისტრაციული პერსონალის, ასევე სტუდენტების გადამზადება მიმდინარე და სამომავლო თემის ჩართულობის აქტივობებისთვის, უნივერსიტეტში ვიზიტი და ტრენერთა მომზადება, რათა პროექტის დასრულების შემდეგაც უზრუნველყოფილი იყოს მდგრადობა და ცოდნის გავრცელება.
WP4 „მართვა და ხარისხი“ – არის პროექტის წარმატების განუყოფელი ნაწილი, და ფოკუსირებულია პროცესების ეფექტიან კოორდინაციასა და მაღალი ხარისხის შედეგებზე.
WP5 „განხორციელება, გავრცელება და გამოყენება“ – ორიენტირებულია პროექტის შედეგების ინტეგრირებაზე პარტნიორი ქვეყნების უნივერსიტეტებში. მოიცავს ვებგვერდის რეგულარულ განახლებას, შედეგების გავრცელების ღონისძიებების ორგანიზებას, მედია გაშუქების უზრუნველყოფას, დაფუძნებული თემის ჩართულობის ერთეულის მიერ აქტივობების პილოტირებას და ტრენერების მიერ ცოდნის გაზიარებას სხვა პერსონალისა (მათ შორის ადმინისტრაციისა) და სტუდენტებისთვის, რითაც უზრუნველყოფილი იქნება პროექტის შედეგების ფართომასშტაბიანი გავლენა.
